تحریک انصاف نے ملکی قیادت سنبھالنے کے تقریباً ڈھائی ماہ بعد ملک گیر سطح پر ''عوامی رابطہ مہم '' شروع کرنے کا فیصلہ کیا ہے۔

اس مہم میں عوامی اجتماعات اور کھلی کچہریاں شامل ہوں گی، اس عوامی رابطہ مہم کا مقصد عوام کو پی ٹی آئی کی وفاقی و صوبائی حکومتوں کی کارکردگی اور مستقبل کے منصوبوں و پالیسیوں سے آگاہ کرنا ہے، اس عوامی رابطہ مہم کے انعقاد کا فیصلہ پی ٹی آئی قیادت نے تفصیلی مشاورت کے بعد کیا ہے۔

پی ٹی آئی کے اہم ذرائع سے معلوم ہوا ہے کہ تحریک انصاف کی قیادت جہاں ملک کے مسائل کے حل کیلیے جامع حکمت عملی کے تحت پالیسیوں کو تشکیل دینے کے ساتھ ان کے حل کیلیے عملی اقدام کر رہی ہے ۔