زمبابوے میں بس میں آتشزدگی سے 40 مسافر ہلاک

بس میں 60 سے زائد مسافر سوار تھے، حادثے کی وجوہات کا تعین نہیں ہوسکا ہے

ویب ڈیسک November 16, 2018

بس 60 سے زائد مسافروں کو لے کے جارہی تھی۔ فوٹو : اے پی

زمبابوے میں مسافر بس میں آگ بھڑک اُٹھی جس کے نتیجے میں 40 مسافر ہلاک اور 20 سے زائد زخمی ہوگئے۔

بین الاقوامی خبر رساں ادارے کے مطابق 60 سے زائد مسافروں کو جنوبی افریقا لے جانے والی بس میں اچانک آگ بھڑک اُٹھی جس کے نتیجے میں 40 مسافر بری طرح جھلس کر ہلاک ہوگئے جب کہ 20 زخمی ہیں۔

پولیس کا کہنا ہے کہ مسافر بس کو حادثہ ضلع گواندا میں پیش آیا جو زمبابوے کے دارالحکومت ہرارے سے 340 میل کی دوری پر ہے۔ حادثے کی وجوہات کا تاحال تعین نہیں کیا جا سکا ہے۔

ہلاک اور زخمی ہونے والوں کو قریبی اسپتال کے برن وارڈ میں منتقل کردیا گیا ہے جہاں 6 زخمیوں کی حالت نہایت نازک بتائی جارہی ہے جس کے باعث ہلاکتوں میں اضافے کا خدشہ ہے۔

سوشل میڈیا پر صارفین نے حادثے کی تصاویر شیئر کی ہیں جس میں دیکھا جا سکتا ہے کہ بس مکمل طور پر جل کر تباہ ہوگئی ہے جس سے حادثے کی ہولناکی کا اندازہ لگانا مشکل نہیں۔

Zim Red Cross first aid teams responded to a horrific accident around midnight at the 56km peg from Gwanda towards Beitbridge involving a South African bound bus. A total of 24 people have been ferried to Hospital while the number of deaths is still to be confirmed. pic.twitter.com/GSu3xRHFB7
— Zimbabwe Red Cross (@ZrcsRed) November 16, 2018