صدر مملکت ڈاکٹر عارف علوی کا پروٹوکول لینے سے انکار

میری مسلسل کوشش ہے کہ صرف سیکورٹی لوں، صدر مملکت عارف علوی

---

صدر ڈاکٹرعارف علوی نے دورہ لاہور کے دوران پروٹوکول لینے سے انکار کردیا۔

ایکسپریس نیوز کے مطابق صدر مملکت ڈاکٹر عارف علوی 2 روزہ دورے پر لاہور پہنچے جہاں وزیراعلیٰ پنجاب عثمان بزدار اور گورنر سرور چوہدری نے استقبال کیا، صدرمملکت نے گورنر پنجاب چوہدری سرور اور نومنتخب سینیٹرز سے بھی ملاقات کی۔

My continuous struggle to keep security but reduce protocol that inconveniences people. Am at Lahore airport and there are 32 cars to escort me waiting outside. Will wait until they are sent away before I move out

— Dr. Arif Alvi (@ArifAlvi) November 16, 2018

لاہور ایئرپورٹ پہنچنے پر صدر مملکت عارف علوی نے پروٹوکول لینے سے انکار کرتے ہوئے پروٹوکول کی گاڑیاں واپس بھیجنے کی ہدایت کردی، صدر عارف علوی نے ٹوئٹ کرتے ہوئے کہا کہ میں لاہور ایئر پورٹ پر موجود ہوں جہاں 32 گاڑیاں مجھے لینے آئی ہیں تاہم ائیرپورٹ سے باہر نکلنے سے پہلے ان تمام کے واپس جانے کا منتظر ہوں، میری مسلسل کوشش ہے کہ صرف سیکورٹی لوں۔