فلسطینی صدر کی جانب سے پاکستان فٹبال ٹیم کے اعزاز میں تقریب کا اہتمام

پاکستان اور فلسطین کے دل ایک ساتھ دھڑکتے ہیں،فلسطینی صدر محمود عباس۔ فوٹو: پی ایف ایف

---

فلسطین کے صدر محمود عباس کی طرف سے پاکستان فٹبال ٹیم کے اعزاز میں پروقار تقریب کا اہتمام کیا گیا۔

تقریب میں قومی کپتان صدام حسین سمیت کوچز اور تمام کھلاڑیوں نے شرکت کی۔ اس موقع پر فلسطین کے صدر محمود عباس نے گرین شرٹس کا پرتپاک استقبال کرتے ہوئے کہا کہ پاکستان اور فلسطین کے دل ایک ساتھ دھڑکتے ہیں۔

یہ بھی پڑھیں :قومی فٹبال ٹیم کی مسجد اقصٰی میں نماز جمعہ کی ادائیگی

اس سے قبل پاکستانی ٹیم نے بیت المقدس میں جمعہ کی نماز بھی ادا کی اور ملت اسلامیہ بالخصوص پاکستان کی خوشحالی کے لئے دعا کی۔ یہ بات قابل ذکر ہے کہ پاکستانی ٹیم ان دنوں دوستانہ میچ کھیلنے کے لئے فلسطین کے دورے پر ہے۔