ٹرمپ کے بیان نے ثابت کردیا امریکا کی خوشامد کا کوئی فائدہ نہیں شیریں مزاری

امریکی پالیسیاں پاکستان کے مفاد کے خلاف ہیں، وفاقی وزیربرائے انسانی حقوق

---

وفاقی وزیر شیریں مزاری کا کہنا ہے کہ تاریخ نے ایک بار پھر ثابت کردیا امریکا کی خوشامد کرنے سے کوئی فائدہ نہیں ہے۔

وفاقی وزیربرائے انسانی حقوق شیریں مزاری نے امریکی صدر ڈونلڈ ٹرمپ کے پاکستان سے متعلق بیان پر ردعمل دیتے ہوئے کہا کہ ٹرمپ کا بیان ان پاکستانی رہنمائوں کے لیے ایک پیغام ہے جو نائن الیون کے بعد امریکا کو خوش کرنے کے چکر میں لگے رہے۔ جس کا نتیجہ ڈرونز حملوں میں پاکستانی جانوں کا ضیاع، ریمنڈ ڈیوس اور دیگر امریکی ہرکاروں کی رہائی کی صورت میں سامنے آیا۔

The illegal killings by drone attacks; the list is endless but once again history shows appeasement does not work. Also, whether China or Iran, US policies of containment & isolation do not coincide with Pak strategic interests. https://t.co/tFBe9BentG

— Shireen Mazari (@ShireenMazari1) November 19, 2018

شیریں مزاری کا کہنا تھا کہ امریکی ڈرونز کے باعث پاکستانی میں ہونے والی غیر قانونی ہلاکتوں کی تعداد ان گنت ہے، لیکن تاریخ نے ایک بار پھر ثابت کردیا کہ امریکا کی خوش آمد کرنے سے کوئی فائدہ نہیں جب کہ امریکی پالیسیاں پاکستان کے مفاد کے خلاف ہیں۔

اس خبر کو بھی پڑھیں؛ پاکستان نے امریکا کے لیے کچھ نہیں کیا، ڈونلڈ ٹرمپ