ڈاکٹر شکیل آفریدی پر خاندان والوں سے ملاقات پر عائد پابندی ختم

شدت پسندوں اور اسامہ بن لادن کی تلاش میں امریکیوںکی مدد کرنے کے الزام میں گرفتار ڈاکٹر شکیل آفریدی پر خاندان والوں کے ساتھ ملاقات پر عائد پابندی ختم کردی گئی ہے۔


ڈاکٹر شکیل طویل عرصہ سے پشاور کی سنٹرل جیل میں قید تنہائی میں ہے اور کسی بھی رشتہ دار کو ان سے ملنے نہیں دیا جارہا ہے تاہم ذرائع کے مطابق جیل انتظامیہ نے اعلیٰ حکام کی ہدایت پر ڈاکٹر آفریدی پر عائد پابندی ختم کردی ہے اور اب مہینے میں ایک مرتبہ ان کے اہل خانہ ان سے ملاقات کرسکیں گے۔ واضح رہے کہ شکیل آفریدی پر مبینہ طور پر ایک امریکی ٹی وی کو انٹرویو دینے کے بعد ہر قسم کی معلومات پر پابندی عائد کردی گئی تھی۔