چینی قونصلیٹ پر حملے کے ماسٹر مائنڈ کا بھارتی اسپتال میں زیر علاج ہونے کا انکشاف

اسلم اچھو کی دہلی کے اسپتال میں زیر علاج ہونے کی تصویر بھی منظر عام پر آگئی (فوٹو: سوشل میڈیا)

---

کراچی میں آج چینی قونصل خانے پر ہونے والے حملے کے تانے بانے بھارت سے ملنے لگے۔

ذرائع کے مطابق چینی قونصلیٹ پر حملے کا ماسٹر مائنڈ کالعدم بلوچستان لبریشن آرمی( بی ایل اے) کا کمانڈر اسلم اچھو نکلا جو اس وقت بھارتی دارالحکومت دہلی کے میکس اسپتال میں زیر علاج ہے۔

یہ بھی پڑھیں: حملے میں ملوث تینوں دہشتگردوں کی شناخت

ذرائع کا کہنا ہے کہ اسلم اچھو سیکیورٹی فورسز کے ساتھ 18 ماہ قبل سبی میں ہونے والے مقابلے میں زخمی ہوا تھا اور موقع سے فرار ہوگیا تھا جب کہ اس آپریشن میں بی ایل اے کے کئی کارندے مارے گئے تھے۔

اسلم اچھو کی دہلی کے اسپتال میں زیر علاج ہونے کی تصویر بھی منظر عام پر آگئی ہے جو سوشل میڈیا پر وائرل ہوگئی ہے۔