خادم رضوی کو حفاظتی تحویل میں لے کر مہمان خانے منتقل کردیا فواد چوہدری

تحریک لبیک مذہب کی آڑ میں سیاست کررہی ہے اور عوام کی جان و مال کے لیے خطرہ بن گئی ہے، وزیر اطلاعات (فوٹو: فائل)

---

وزیر اطلاعات فواد چوہدری نے کہا ہے کہ خادم حسین رضوی کو حفاظتی تحویل میں لے کر مہمان خانے منتقل کردیا گیا ہے۔

پولیس کی جانب سے تحریک لبیک پاکستان کے سربراہ خادم حسین رضوی کو حراست میں لینے کے بعد فواد چوہدری نے ٹوئٹر پر بتایا ہے کہ خادم حسین رضوی کو حفاظتی تحویل میں لے کر مہمان خانے منتقل کردیا گیا ہے، تحریک لبیک کی جانب سے 25 نومبر کی احتجاجی کال واپس نہ لینے کی وجہ سے اس کارروائی کی ضرورت پیش آئی کیوں کہ عوام کی جان و مال اور املاک کی حفاظت کرنا حکومت کا اولین فریضہ ہے۔

Khadim Hussain Rizvi has been taken into protective custody by police and shifted to a guest house.They insisted to come to Rwp refusing Governments proposal for alternative arrangements
It’s to safeguard public life, property and order and has to do nothing with Asia Bibi case

— Ch Fawad Hussain (@fawadchaudhry) November 23, 2018

وزیر اطلاعات نے مزید کہا کہ تحریک لبیک عوام کی جان و مال کے لیے خطرہ بن گئی ہے اور مذہب کی آڑ لے کر سیاست کر رہی ہے، موجودہ کارروائی کا آسیہ بی بی کے مقدمے سے کوئی تعلق نہیں، صورتحال مکمل کنٹرول میں ہے، عوام پرامن رہیں اور حکام سے مکمل تعاون کریں۔