پاکستان میں حکومت کے استحکام کے بعد ہی مذاکرات شروع کئے جائیں گے بھارتی وزیرخارجہ

بھارت پاکستانی وزیراعظم نواز شریف کی جانب سے اپنی انتخابی مہم کے دوران کئے گئے وعدوں کو مثبت انداز میں دیکھتا ہے، سلمان خورشید فوٹو: فائل

---

بھارتی وزیر خارجہ سلمان خورشید نے کہا ہے کہ پاکستان میں حکومت کے استحکام کی صورت میں ہی جامع مذاکرات شروع کئے جائیں گے۔

مقبوضہ کشمیر کے دارالحکومت سری نگر میں بات کرتے ہوئے سلمان خورشید کا کہنا تھا کہ یہ بات خوش آئند ہے کہ پاکستان میں پہلی بار ایک جمہوری حکومت سے دوسری جمہوری حکومت کو اقتدار منتقل ہوا۔ انہوں نے کہا بھارت پاکستانی وزیراعظم نواز شریف کی جانب سے اپنی انتخابی مہم کے دوران کئے گئے وعدوں کو مثبت انداز میں دیکھتا ہے اور یہی وجہ تھی کہ انتخابات میں کامیابی کے بعد ہی بھارتی وزیر اعظم نے انہیں مبارکباد کا پیغام بھیجا۔

سلمان خورشید نے کہا کہ بھارت کی بھی خواہش ہے کہ پاکستان کے ساتھ جامع اور بامقصد مذاکرات شروع کئے جائیں تاہم مذاکرات کے لئے کھوئی ہوئی اعتماد سازی کے لئے اقدامات کرنا انتہائی ضروری ہیں۔