کراچی میں پنکچر کی دکان میں سلنڈر دھماکے سے ایک شخص ہلاک

وکٹر پنکچر لگوانے کے لیے آیا تھا اور دھماکے کے وقت پنکچر لگنے کے انتظار میں دکان کے اندر بیٹھا تھا، پولیس فوٹو:فائل

---

اختر کالونی کے علاقے میں پنکچر کی دکان میں سلنڈر پھٹنے سے پنکچر لگوانے والا شخص ہلاک ہوگیا۔

کراچی کے علاقے اختر کالونی میں پنکچر کی دکان میں رکھا سلنڈر دھماکے سے پھٹ گیا جس کے نتیجے میں ایک شخص شدید زخمی ہوگیا۔ اسے طبی امداد کے لیے فوری طور پر اسپتال منتقل کیا گیا جہاں ڈاکٹروں نے اس کی ہلاکت کی تصدیق کردی۔

پولیس کے مطابق ہلاک شخص کی شناخت وکٹر کے نام سے ہوئی جو پنکچر لگوانے کے لیے آیا تھا کہ سلنڈر پھٹ گیا۔ پولیس نے بتایا کہ دھماکے کے وقت پنکچر لگانے والا دکان سے باہر تھا اور وکٹر پنکچر لگنے کے انتظار میں دکان کے اندر بیٹھا تھا۔