ویمنزٹی 20 رینکنگ 7 درجے ترقی سے جویریہ کا کیریئر بیسٹ 14واں نمبر

بسمہٰ معروف ایک درجہ ترقی سے 18 ویں نمبر پر آ گئی ہیں۔ فوٹو: فائل

---

بیٹنگ میں پاکستان کی جویریہ خان 7 درجے ترقی پاکر کیریئر بیسٹ 14 ویں پوزیشن پر پہنچ گئیں۔

ورلڈ ٹوئنٹی 20 کے اختتام پر آئی سی سی نے تازہ ترین ویمنز رینکنگ جاری کردی جس کے مطابق پاکستان کی جویریہ خان 7 درجے ترقی پاکر کیریئر بیسٹ 14 ویں پوزیشن پر پہنچ گئیں جب کہ بسمہٰ معروف ایک درجہ ترقی سے 18 ویں نمبر پر آ گئی ہیں۔

بولنگ میں نشرح سندھو ایک ساتھ 25 درجے کی چھلانگ لگا کر دسویں نمبر پر جنوبی افریقی بولر شبنم اسماعیل کو جوائن کرچکی ہیں،وہ11 درجے ترقی پاکر اس مقام پر پہنچیں، ایک درجہ تنزلی کی وجہ سے ندا ڈار کو نویں نمبر پر آنا پڑا۔

علاوہ ازیں ٹیم رینکنگ میں پاکستان کا نمبر ساتواں جبکہ ٹاپ پر ورلڈ چیمپئن آسٹریلیا موجود ہے۔