ایمن اورمنیب شادی پرپانی کی طرح پیسہ بہانے پر تنقید کا شکار

اداکارہ ایمن اور منیب شادی پر پانی کی طرح پیسہ بہاکر غیر حقیقی رسموں کو بڑھاوا دے رہے ہیں سوشل میڈیا صارفین کی تنقید فوٹوٹوئٹر

---

پاکستانی شوبزکی خوبصورت جوڑی ایمن خان اورمنیب بٹ کو شادی کی طویل رسموں اورشادی پر پانی کی طرح پیسہ بہانے پر سوشل میڈیا پرشدید تنقید کا نشانہ بنایا جارہا ہے۔

نامور پاکستانی اداکارہ ایمن خان اور اداکار منیب بٹ کی شادی کی رسمیں گزشتہ کئی ہفتوں سے جاری ہیں، مہندی، مایوں، ڈھولکی اور نہ جانے کون کون سی رسموں کے بعد دونوں رواں ہفتے کی ابتدا میں نکاح کے بندھن میں بندھے تھے اور شائقین نے سکون کا سانس لیا تھا، لیکن شادی کے مختلف فنکشنزاب بھی مسلسل جاری ہیں جنہوں نے سوشل میڈیا صارفین کو زچ کرکے رکھ دیا ہے۔ شادی پر بے انتہا فضول خرچہ کرنے اور پیسہ پانی کی طرح بہانے پر صارفین نے اسٹار جوڑی کو تنقید کا نشانہ بناتے ہوئے آڑے ہاتھوں لے لیا۔

اس خبرکوبھی پڑھیں: پاکستان کا ایک اور اداکار جوڑا رشتہ ازدواج میں منسلک

سوشل میڈیا صارفین نے شادی کی طویل رسموں پر غصے کا اظہار کرتے ہوئے کہا کہ پیسہ اس طرح ضائع کرنے سے بہتر ہے یہ لوگ پیسے کو کسی ضروری کام میں لگائیں۔ ایک صارف نے لکھا یہ دونوں شادی پرپانی کی طرح پیسہ بہاکرغیرحقیقی رسموں کو بڑھاوا دے رہے ہیں، ہمارے یہاں پہلے ہی شادی کی مختلف رسموں کے نام پر پیسہ ضائع کیا جاتا ہے مہربانی کرکے یہ مت کریں کیونکہ یہاں اور بہت سارے لوگ ہیں جو شادی کی چھوٹی سی تقریب کے بھی متحمل نہیں۔

Couples like Aiman&Muneeb aka #aineeb are setting unrealistic standards of wedding for an already-complicated-society like ours where spending useless money on several events of shaadi is deemed flauntable. Please dont do this. Thr are many who cant even afford a basic wedding!

— F!💤a Rahman (@FizzaRahman) November 26, 2018

کچھ صارفین نے شادی کی طویل رسموں کا مذاق اڑاتے ہوئے اپنے غصے کااظہار کیا۔

https://twitter.com/CosmicWonderrr/status/1066767742265626624

https://twitter.com/IramChoudary/status/1067220266525343744

Finally someone said😝😂
"This world would come to an end but their wedding(functions) won't."#aineeb #AimanMuneebKiShadi #DramaticWeddingOfTheCentury pic.twitter.com/pyZqb2rznC

— 🇵🇸Aasma!! (@aasma_shine) November 27, 2018

MAN I'M SICK OF THIS #AINEEB SHADI KO CASH KARNA TREND BANA DIA HAI AJEEB NAFSIYATI.

— Ennanana (@Enna_Ejaz) November 25, 2018

ایک صارف نے مختلف رسموں اور فنکشنز کی زیادتی اور ان پر لٹائے جانے والے پیسوں کی مخالفت کرتے ہوئے کہا ہمیں معلوم ہے آپ لوگوں کے پاس بے تحاشہ پیسہ ہے، آپ لوگ اتنا پیسہ خرچ کرکے کیا ثابت کرنا چاہتے ہو کہ لوگ آپ کو مثال بنائیں اور آپ کی تقلید کریں، بہت افسوسناک بات ہے۔



کچھ صارفین نے لکھا دونوں بہنیں بے حساب پیسہ کماچکی ہیں اب سمجھ نہیں آرہا کہاں خرچ کریں، حد ہے فضول خرچی کی ڈیم فنڈ میں ہی دے دیتیں کیونکہ پانی تو یہ لوگ بھی استعمال کرتی ہیں۔



کچھ لوگ اس طویل اور بے انتہا لمبی شادی سے اس حد تک تنگ آچکے ہیں کہ سوشل میڈیا پر اس کا اظہار کیے بغیر نہیں رہ سکے۔ کچھ لوگوں نے شادی کو بھارتی ڈراموں سے تشبیہ دی جو ختم ہونے کانام ہی نہیں لے رہی۔ یہاں تک کہ معروف یوٹیوبر زید علی نے بھی اس شادی کو ٹیسٹ میچ قراردیا بعد ازاں انہوں نے اپنا کمنٹ ڈیلیٹ کردیا۔