ٹیکس ڈیفالٹرکے ای ایس سی کے بینک اکاؤنٹس منجمد کرنیکا فیصلہ

کے ای ایس سی صارفین سے ودہولڈنگ ٹیکس کی مد میں ایک ارب 40 کروڑ روپے اکٹھے کرچکا ہے. فوٹو: فائل

---

ایف بی آر کے ماتحت ادارے ریجنل ٹیکس آفس ٹوکراچی(آر ٹی او ٹو) نے کراچی الیکٹرک سُپلائی کمپنی(کے ای ایس سی) کے بینک اکاؤنٹس منجمد کرنے کا فیصلہ کیا ہے۔

اس ضمن میں ایف بی آرکے سینئر افسر نے جمعے کوایکسپریس کو بتایاکہ کراچی الیکٹر سُپلائی کمپنی ایف بی آرکی ٹیکس ڈیفالٹر ہے اور کے ای ایس سی صارفین سے ودہولڈنگ ٹیکس کی مد میں ایک ارب 40 کروڑ روپے اکٹھے کرچکا ہے مگر ٹیکس کی یہ رقم ایف بی آرکو جمع نہیں کروارہا ہے جس پر ریجنل ٹیکس آفس ٹو کراچی نے کے ای ایس سی کیخلاف سخت اقدام اٹھانے کافیصلہ کیا تھا ۔