وزیرخارجہ سے امریکی نمائندہ خصوصی کی ملاقات افغان مفاہمتی عمل پر تبادلہ خیال

افغانستان میں قیام امن، پاکستان کے بہترین مفاد میں ہے، وزیرخارجہ ۔ فوٹو: دفترخارجہ

---

امریکی نمائندہ خصوصی برائے افغان مفاہمتی عمل زلمے خلیل زاد نے وزیر خارجہ مخدوم شاہ محمود قریشی سے ملاقات کی ہے۔

ایکسپریس نیوز کے مطابق وزیرِ خارجہ مخدوم شاہ محمود قریشی سے امریکی نمائندہ خصوصی برائے افغان مفاہمتی عمل زلمے خلیل زاد نے ملاقات کی، ملاقات میں افغانستان مفاہمتی عمل کے سلسلے میں پاکستان کے تعاون پر بات چیت اور افغانستان میں امن اور سیاسی حل سے متعلق امور پر تبادلہ خیال کیا گیا۔

US Special Rep Amb Zalmay Khalilzad @US4AfghanPeace called on the FM. Amb Khalizad reiterated President Trump's desire to seek Pakistan's cooperation for peace and stability in #Afghanistan. The FM assured the US side of Pakistan's steadfast support for a negotiated settlement. pic.twitter.com/XIij5pZgG3

— Ministry of Foreign Affairs - Pakistan (@ForeignOfficePk) December 4, 2018

زلمےخلیل زاد نے وزیرخارجہ کو امریکی صدر کی طرف سے وزیر اعظم عمران خان کو لکھے گئے خط کی تفصیلات سے آگاہ کیا، جس پر شاہ محمود قریشی نے کہا کہ وزیر اعظم عمران خان نے افغان مصالحتی عمل میں پاکستان کے تعاون کے حصول کے لیے صدر ٹرمپ کے پیغام کا خیرمقدم کیا ہے۔

وزیرخارجہ کا کہنا تھا کہ افغانستان میں قیام امن پاکستان کے بہترین مفاد میں ہے، پاکستان، افغانستان میں سیاسی تصفیہ کے لیے خلوص نیت کے ساتھ تعاون جاری رکھے گا۔