سابق حکمرانوں نے بجلی نہیں صرف کمیشن پیدا کیا شہباز شریف

بجلی پرسبسڈی امیر کا نہیں صرف غریب کا حق ہے،وزیراعلیٰ پنجاب فوٹو: فائل

---

وزیراعلیٰ پنجاب شہباز شریف نے کہا ہے کہ سابق حکمرانوں نے گزشتہ 5 سالوں کے دوران بجلی نہیں صرف کمیشن پیدا کیا۔

ماڈل ٹاؤن لاہورمیں شہبازشریف سے اسپیکر قومی اسمبلی سردار ایاز صادق نے ملاقات کی ، جس میں باہمی دلچسپی کے امور اور دیگر اہم معاملات پر تبادلہ خیال کیا گیا ، اس موقع پر وزیراعلیٰ شہباز شریف نے کہا کہ سابق حکمرانوں نے گزشتہ 5 سال کے دوران بجلی نہیں صرف کمیشن پیدا کیا اور پوری قوم لوڈ شیڈنگ کے آگ میں جھلستی رہی۔

وزیراعلیٰ کا کہنا تھا کہ بجلی کا گردشی قرضہ 500 ارب روپے سے تجاوز کرچکاہے لیکن اسے 60 دنوں میں ختم کرنے کا جو وعدہ کیا ہے اسے ضرورپورا کیا جائے گا۔ انہوں نے کہا کہ بجلی پرسبسڈی امیر کا نہیں صرف غریب کا حق ہے۔