برازیل نے عالمی چیمپئن اسپین کوصفر کےمقابلےمیں 3 گول سے شکست دے کرمسلسل تیسری بار فیفا کنفیڈریشن کپ جیتنےکا اعزاز اپنے نام کر لیا۔
فیفا کنفیڈریشن کپ کے فائنل کا میلا سجا برازیل کے شہر ریو ڈی جنیرو میں جہاں دنیا بھر سے فٹبال کے شائقین نے میچ سے قبل ہی ڈیرے ڈال رکھے تھے۔ سنسنی خیز فائنل کے آغاز سے ہی میزبان برازیل کے کھلاڑی چھائے رہے، میچ کے دوسرے منٹ میں فریڈ نے گول کرکے ٹیم کو برتری دلادی، پہلے ہاف کے چوالیس ویں منٹ میں نیمرنے بال کو گول ریکھا پار کروا کر برازیل کی میچ میں پوزیشن مستحکم کردی۔ میچ کا دوسرا ہاف شروع ہوتے ہی فریڈ نے تیسراگول کرکے ٹیم کی جیت یقینی بنادی۔