خیبرپختون خوا حکومت نے غیرمعیاری سڑک لاکھوں روپے مہنگی بنائی جرمن سفیر

خیبر پختونخوا حکومت نے غیر معیاری ایک کلومیٹر سڑک 60 لاکھ روپے مہنگی ایک کروڑ روپے میں بنائی، جرمن کوبلر فوٹو:ٹوئٹر

---

جرمن سفیر نے خیبر پختونخوا میں ناقص معیار کی سڑک کی تعمیر پر سوال اٹھا دیے۔

جرمن سفیر مارٹن کوبلر نے ازاخیل میں مقامی آبادی اور جرمن حکومت کے تعاون سے تیار کردہ سڑک کی تصویر ٹوئٹ کرائی ہے۔ مارٹن کوبلر نے کہا کہ مقامی افراد نے ضلع نوشہرہ کے گاؤں ازاخیل بالا میں ایک کلومیٹر طویل سڑک 12 انچ کی تہہ کے ساتھ صرف 40 لاکھ روپے میں بنائی جس کے لیے مالی معاونت جرمنی کی جانب سے فراہم کی گئی۔ لیکن خیبر پختونخوا حکومت نے ایک کلومیٹر سڑک صرف 6 انچ کی تہہ کے ساتھ ایک کروڑ روپے میں بنائی۔

اس سڑک کو دیکھیے جو ازاخیل بالا میں مقامی گاؤں کے لوگوں نے #Germany کے @kfwpress کے تعاون سے چالیس 40 لاکھ روپے میں بنائ یہ 1 کلو میٹر لمبی ہے اور 12 انچ موٹی ۔ اسی طرح کی سڑک @KPGovernment نے 1 کروڑ میں ناقص معیار کی( 6 انچ موٹائ) بنوائ۔ کیا آپ مجھے بتا سکتے ہیں کیوں؟؟ pic.twitter.com/8IKdTjEJPU

— Alfred Grannas (@GermanyinPAK) December 5, 2018

اس کا مطلب ہے کہ خیبر پختونخوا حکومت نے 60 لاکھ روپے مہنگی سڑک بنائی اور اس کا معیار بھی مقامی آبادی کی تعمیر کردہ سڑک سے کم ہے۔ مارٹن کوبلر نے کہا کہ کوئی مجھے بتا سکتا ہے ایسا کیوں ہے؟۔ مارٹن کوبلر نے اردو اور انگریزی دونوں زبانوں میں یہ ٹوئٹ شیئر کرائی ہے۔