فلم ”لٹیرا“میں بولڈ کردارادا کرنے پر والدہ کے اعتراض کی خبرمیں سچائی نہیں سوناکشی

کبھی ایسا کام نہیں کروں گی جس سے والدین کو شرمندگی ہو، سوناکشی فوٹو: فائل

---

بالی ووڈ اداکارہ سوناکشی سنہا نے فلم "لٹیرا" میں بولڈ کردار ادا کرنے پر اپنی والدہ کی جانب سے اعتراض کی خبروں کی تردید کر تے ہوئے کہا ہے کہ وہ کبھی ایسا کام نہیں کریں گی جس سے ان کے والدین کو شرمندگی ہو۔

ممبئی ميں اپنی نئی فلم "لٹیرا" کی تشہیری مہم کے دوران سوناکشی کا کہنا تھا کہ اس حوالے سے پھیلائی جانے والی خبروں میں کوئی سچائی نہیں ، میری والدہ جانتی ہیں کہ میں کس قسم کا کام کر رہی ہوں اور کیا کچہ ہو رہا ہے، وہ میرے کام میں کبھی بھی دخل اندازی نہیں کریں گی اور نہ ہی میں کوئی ایسا کام کروں گی جس سے میرے والدین کو شرمندگی اٹھانا پڑے۔

دبنگ گرل سوناکشی سنہا کی فلم "لٹیرا" 5 جولائی کو سنیما گھروں کی زینت بنے گی۔