فہد مصطفیٰ کی ’لوڈویڈنگ‘ بھارتی فلم فیسٹیول میں بہترین فیچر فلم کیلئے نامزد

جے پور فلم فیسٹیول 18 سے 22 جنوری تک جاری رہے گا فوٹوفائل

---

پاکستانی سپر اسٹار فہد مصطفیٰ اورمہوش حیات کی فلم 'لوڈویڈنگ' کوبھارتی فلم فیسٹیول میں بہترین فیچر فلم کے لیے نامزد کیاگیا ہے۔

رواں سال عیدالضحیٰ پر ریلیز ہونے والی فلم 'لوڈ ویڈنگ' کو بھارتی ریاست راجستھان کے شہر جے پور میں ہونے والے انٹرنیشنل فلم فیسٹیول میں بہترین فیچر فلم کے لیے نامزد کیاگیا ہے۔ فلم میں اداکار فہد مصطفیٰ اورمہوش حیات نے مرکزی کردار ادا کیا ہے۔ فلم کو پاکستانی شائقین کی جانب سے بھی بے حد پسند کیا گیا تھا۔

اس خبرکوبھی پڑھیں: ''لوڈ ویڈنگ'' چھا گئی

'لوڈویڈنگ' کے ہدایت کار نبیل قریشی کا کہنا ہے کہ فلم کا بین الاقوامی فیسٹیول میں نامزد ہونا انتہائی خوشی کی بات ہے، امید ہے فلم ایوارڈ بھی جیتے گی۔ فلم کی پروڈیوسر فضا علی مرزا نے بھی فلم کی نامزدگی پر خوشی کا اظہار کرتے ہوئے کہا ایسا محسوس ہورہا ہے جیسے ہماری فلم ایوارڈ جیت چکی ہے۔

فلم کی مرکزی اداکارہ مہوش حیات نے'لوڈ ویڈنگ'کی جے پور فلم فیسٹیول میں نامزدگی پر خوشی کا اظہار کرتے ہوئے کہا کہ انہیں بہت فخر محسوس ہورہا ہے۔

Very proud to share that our film "Load Wedding" has been nominated at the Jaipur International Film Festival. Amazing achievement when we can hold our own with the best of them. Well done to the entire LW team♥️🙌🏻 @fahadmustafa26 @nabeelqureshi @fizza999 https://t.co/HSCkygH13K

— Mehwish Hayat TI (@MehwishHayat) December 6, 2018

واضح رہے کہ جے پور فلم فیسٹیول کا آغاز 2009 میں ہواتھا ہر سال اس فیسٹیول میں مختلف ممالک کی بہترین فلمیں پیش کی جاتی ہیں۔ گیارہویں فلم فیسٹیول کا آغاز 18 جنوری سے ہوگا جو 22 جنوری 2019 تک جاری رہے گا فیسٹیول میں نبیل قریشی اور فضا علی مرزا شرکت کریں گے۔