انڈونیشیا کے جزیرے سماٹرا میں زلزلے کے نتیجے میں 22 افراد ہلاک اور 200 سے زائد زخمی ہوگئے ۔
انڈونیشیا کے جزیرے سماٹرا میں آنے والے زلزلے سے عمارتیں لرز اٹھیں، ریکٹر اسکیل پر اس کی شدت 6.2 ریکارڈ کی گئی، زلزلےکے باعث متعدد عمارتیں اور مکانات گرنے سے سیکڑوں افراد ملبے تلے دب گئے، اب تک ملبے سے 22 افراد کی لاشیں نکالی جاچکی ہیں جبکہ 200 سے زائد زخمیوں کو اسپتال منتقل کیا جاچکا ہے جہاں انہیں طبی امداد فراہم کی جا رہی ہے۔
انتظامیہ کی جانب سے ملبے تلے دبے افراد کو نکالنے کا سلسلہ جاری ہےجس کے باعث ہلاکتوں میں مزیداضافے کا خدشہ ظاہرکیا جارہا ہے، ریسکیو کی ٹیمیں متاثرین کو محفوظ مقامات پر منتقل کررہی ہیں جس میں آرمی بھی حصہ لے رہی ہے ۔