امریکا پاکستان کی خودمختاری کا احترام کرتے ہوئے ڈرون حملے بند کرے وزیرداخلہ

وزیر داخلہ چوہدری نثار نے کہا کہ تعاون سے انتہا پسندی کے خلاف لڑنے میں مدد ملے گی۔ فوٹو: فائل

---

وزیر داخلہ چوہدری نثارعلی نے کہا ہے کہ امریکا کو پاکستان کی علاقائی حدود کا احترام کرتے ہوئے ڈرون حملے فوری طور بند کردینے چاہیئں۔

اسلام آباد میں چوہدری نثارعلی خان اورامریکی سفیررچرڈاولسن کی ملاقات کے درمیان امریکی فورسز کے افغانستان سے انخلا کے حوالے سے دونوں ممالک کے درمیان رابطوں پر تبادلہ خیال کیاگیا، اس موقع پر وزیر داخلہ کا کہنا تھا کہ پاکستان نے دہشت گردی کے خاتمے کے لئے اپنی کوششیں جاری رکھی ہوئی ہیں لیکن امریکا کو بھی چاہئے کہ وہ پاکستان کی علاقائی حدود کا احترام کرتے ہوئے ڈرون حملے فوری طورپر بند کردے،امریکی سفیررچرڈ اولسن نے دہشت گردی کی جنگ میں پاکستان کے کردار کوسراہتے ہوئے اسے قابل ستائش قرار دیا۔