عراق میں تشدد کے تازہ واقعات میں 10افراد ہلاک ہوگئے۔

جنوب مشرقی بغدادکے علاقے نحروان میں ہونے والے بم دھماکے میں 7 افراد مارے گئے جبکہ 38 زخمی ہوئے ہیں دیگر تشدد کے واقعات میں 3 جنگجوئوں کو ہلاک کردیا گیا۔

کسی گروپ نے ان حملوں کی ذمے داری قبول نہیں کی لیکن القاعدہ سے تعلقات رکھنے والے افراد اس قسم کے واقعات میں ملوث رہے ہیں، گزشتہ3 روزسے جاری کارروائیوں میں اب تک مرنے والوں کی تعداد 119 اور 300 سے زائد زخمی ہوچکے ہیں۔ زیادہ تر ان حملوں میں اہل تشیع افراد کو نشانہ بنایا گیاہے۔