سری دیوی کی فلم ’’انگلش ونگلش‘‘ 5 اکتوبر کو ریلیز ہوگی

نروس یا غیر محفوظ محسوس نہیں کر رہی، امیتابھ کیساتھ کام کرنا ہمیشہ شاندار ہوتا ہے، سری دیوی۔ ۔فوٹو آئی اے این ایس

---

WASHINGTON: بالی وڈ میں چاندنی اور مسٹر انڈیا جیسی سپر ہٹ فلمیں دینے والی اداکارہ سری دیوی آخری مرتبہ 1997ء میں فلم'' جدائی میں پردیسی میں پر نظر آئی تھیں۔اس کے بعد سری دیوی کی کوئی فلم ریلیز نہیں ہوئی لیکن اب بالی وڈ سے ان کی جدائی ختم ہو رہی ہے اور وہ 15 برس بعد فلم انگلش ونگلش میں کام کر رہی ہیں۔

فلم ''انگلش ونگلش'' 5 اکتوبر کو ریلیز ہوگی اس فلم میں امیتابھ بچن بھی ایک چھوٹا سا کردار ادا کر رہے ہیں۔ یہ دونوں اداکار 18 سال بعد کسی فلم میں ساتھ نظر آئیں گے۔ اس سے پہلے امیتابھ اور سری دیوی نے 1994ء میں ریلیز ہونے والی فلم خدا گواہ میں ساتھ کام کیا تھا۔اس فلم کی ہدایت کارہ گوری شندے ہیں جو پا اور چینی کم جیسی فلمیں بنانے والے ہدایتکار آر بالی کی اہلیہ ہیں۔

سری دیوی نے میڈیا سے گفتگو کرتے ہوئے کہا کہ فلم کی شوٹنگ کے دوران میں نے بالکل ایک نئے اداکارہ کی طرح محسوس کیا۔فلم کے فرسٹ لک لانچ پر سری دیوی نے کہا کہ پندرہ برس کے بعد فلموں میں واپسی کا موقع دینے پربالی اور گوری کی شکر گزار ہوں۔ میں نے اپنے آپ میں بالکل نئی اداکارہ کی طرح توانائی محسوس کی۔