کیریئرکاآغاز نعت سے کیااصل پہچان یہی ہے حمیراارشد

پاکستانی ہونے پر فخر ہے،دنیابھر میںشوز کے ذریعے اپنے ملک کی نمائندگی کی، حمیرا ارشد۔ فوٹو: فائل

---

FAISALABAD: گلوکارہ حمیرا ارشد نے کہا ہے کہ میں نے اپنے کیریئر کا آغاز نعت اور قصیدوں سے کیا میری اصل پہچان نعت ہی سے شروع ہوتی ہے بعد میں گانے میری وجہ شہرت بنے ۔انھوں نے کہا کہ میں نے پوری دنیا میں شوز کے ذریعے پاکستان کی نمائندگی کی ہے اور مجھے پاکستانی ہونے پر ہمیشہ فخر رہا ہے ۔

''ایکسپریس '' سے خصوصی گفتگو کرتے ہوئے انھوں نے کہا کہ میری کامیابیوں کے پیچھے میرے والدین اور بہن بھائیوں کی دعائیں شامل ہیں ۔خدا نے مجھے جو عزت ومقام دیا میں اس کی نعمتوں کا شکر ادا نہیں کر سکتی ۔حمیرا ارشد نے کہا کہ ان کی خواہش ہے کہ وہ غریبوں کی فلاح بہبودکو ایک ایسا ادارہ بنائے جہاں انھیں زندگی کی تمام نعمتیں میسر آسکے ۔