ریاستی اداروں کی حمایت جاری رکھی جائے گی سربراہ پاک فوج

کور کمانڈر کانفرنس میں علاقائی سیکیورٹی کا خصوصی طور پر جائزہ لیا گیا۔ فوٹو: آئی ایس پی آر

---

آرمی چیف جنرل قمر جاوید باجوہ کا کہنا ہے کہ امن کے لیے تمام ریاستی اداروں کی حمایت جاری رکھیں گے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف کی زیرصدارت جی ایچ کیو میں 216ویں کور کمانڈرز کانفرنس ہوئی جس میں دہشت گردی کو جڑ سے اکھاڑ پھینکنے کے لیے علاقائی اہمیت کا جائزہ لیا گیا اور داخلی سیکیورٹی کے لیے جاری آپریشن پر پیشرفت اور مشرقی ومغربی بارڈر سمیت لائن آف کنٹرول کی صورتحال کا بھی جائزہ لیا گیا۔

Safeguarding against external threats shall consolidate gains of CT ops which have put security situation of cty on +ive trajectory for socio-eco progress & dev.“Shall cont to sp state institutions for peace,stability & progress of country in best interest of people of Pak”,COAS. pic.twitter.com/nCxjQSfO15

— DG ISPR (@OfficialDGISPR) December 13, 2018

ترجمان پاک فوج کے مطابق کور کمانڈرز نے جیو اسٹرٹیجک بالخصوص علاقائی سیکیورٹی صورتحال کا جائزہ لیا، کانفرنس نے جاری افغان مفاہمتی عمل کی کامیابی کے لیے امید کا اظہار کیا اور افغان جنگ کے پر امن خاتمے کے لیے تمام اسٹیک ہولڈرز کی حمایت کا اعادہ بھی کیا۔

اس موقع پر آرمی چیف جنرل قمر جاوید باجوہ نے کہا کہ پاکستان کے عوام کے بہترین وسیع تر مفاد میں ملکی ترقی کی حمایت کرتے ہیں اور امن، استحکام اور ترقی کے لیے تمام اداروں کی حمایت جاری رکھیں گے۔

CCC at GHQ. Forum highlighted importance of regional approach to eliminate roots of terrorism and attached hopes for success of ongoing Afghan reconciliation process while supporting all stakeholders to bring Afghan war to a peaceful logical conclusion. (1of2) pic.twitter.com/M7OVS7LCMO

— DG ISPR (@OfficialDGISPR) December 13, 2018