کابل میں پاک چین افغان مذاکرات دہشتگردی کیخلاف تعاون کی یادداشت پر دستخط

تینوں ممالک نے افغانستان میں امن کے لیے سیاسی معاونت کی ضرورت پر زور دیا

ویب ڈیسک December 15, 2018

تینوں ممالک نے افغانستان میں امن کے لیے سیاسی معاونت کی ضرورت پر زور دیا فوٹو:دفتر خارجہ

پاکستان، چین اور افغانستان کے وزرائے خارجہ کے درمیان سہہ ملکی مذاکرات ہوئے جس میں افغانستان میں امن کے لیے سیاسی معاونت کی ضرورت پر زور دیا گیا اور دہشت گردی کیخلاف تعاون کی یادداشت پر دستخط کیے گئے۔

کابل میں پاک چین افغانستان سہ فریقی مذاکرات ہوئے جس میں وزیر خارجہ شاہ محمود قریشی، چینی وزیر خارجہ وانگ ژی اور افغانستان کے وزیر خارجہ صلاح الدین ربانی نے شرکت کی۔ تینوں ممالک نے اس بات پر اتفاق کیا کہ سیاسی معاونت کو بروئے کار لا کر افغانستان میں قیام امن کی راہ ہموار کی جائے۔

FM Shah Mahmood Qureshi underscored the need to remove trust deficit between #Pakistan and #Afghanistan. He further emphasized that Pakistan remains committed to a peaceful Afghanistan in accordance with the wishes of Afghan People. @mfa_afghanistan pic.twitter.com/KNaaA87snJ
— Ministry of Foreign Affairs - Pakistan (@ForeignOfficePk) December 15, 2018

یہ بھی پڑھیں: افغانستان کو سی پیک سے فائدہ اٹھانا چاہیے، وزیر خارجہ

مذاکرات میں افغانستان کی ترقی کے لئے پاکستان اور چین کی جانب سے مختلف شعبوں میں تکنیکی معاونت کی فراہمی سے متعلق امور زیر بحث آئے۔ تینوں وزرائے خارجہ نے سہہ فریقی مذاکرات کے اختتام پر دہشت گردی کے خاتمے میں تعاون کے لیے مفاہمتی یادداشت پر دستخط بھی کیے۔

کابل قصر چارچنار میں وزیر خارجہ مخدوم شاہ محمود قریشی کی پاک چائنہ افغانستان سہ فریقی مذاکرات میں شرکت

اس سہ فریقی مذاکرات کے ذریعے تینوں ممالک کی بھرپور کوشش ہے کہ سیاسی معاونت کو بروئے کار لا کر افغانستان میں قیام... https://t.co/kjcC60elK0
— Ministry of Foreign Affairs - Pakistan (@ForeignOfficePk) December 15, 2018

وزیر خارجہ شاہ محمود قریشی نے اجلاس سے خطاب کرتے ہوئے کہا کہ پاکستان افغانستان میں امن کے لئے عسکری حل کی بجائے بات چیت کے ذریعے مسائل کے حل کا حامی رہا ہے، اب دنیا ہمارے اس موقف کی تائید کر رہی ہے، ہم کابل میں جناح اور لوگر میں ہسپتالوں کا جلد افتتاح کرنے جا رہے ہیں، یہ دونوں اسپتال پاکستان کی جانب سے افغان عوام کے لئے تحفہ ہیں۔

اس دورے میں شاہ محمود قریشی کے ہمراہ سیکریٹری خارجہ تہمینہ جنجوعہ اور وزارت خارجہ کے دیگر اعلیٰ حکام بھی موجود تھے۔ شاہ محمود قریشی افغانستان میں قیام امن کے لیے منعقدہ سہ ملکی مذاکرات میں شرکت کے ساتھ چین اور افغانستان کی اعلیٰ قیادت سے بھی ملاقاتیں کریں گے۔

FM Shah Mahmood Qureshi accompanied by senior officials from MoFA have left for #Kabul to attend #Pakistan #China #Afghanistan #trilateralmeeting.
The FM will meet #Chinese and #Afghan leadership during the visit.@mfa_afghanistan
🇵🇰🇨🇳🇦🇫 pic.twitter.com/9o8B1IhPiv
— Ministry of Foreign Affairs - Pakistan (@ForeignOfficePk) December 15, 2018

وزیر خارجہ شاہ محمود قریشی کا کابل روانہ ہونے سے پہلے کہنا تھا کہ چین کے سہ ملکی مذاکرات کا آغاز خوش آئند ہے، خطے میں ترقی کے لیے امن واستحکام ضروری ہے، افغانستان میں امن، خوشحالی، ترقی اور استحکام چاہتے ہیں، چین اور پاکستان دونوں افغانستان کی بہتری چاہتے ہیں۔