تشدد اور قتل وغارت نہیں صرف مذاکرات سے ہی مسئلہ کشمیرحل ہوگاوزیراعظم

کشمیریوں کو اپنے مستقبل کا فیصلہ خود کرنے کی اجازت ہونی چاہیے، وزیراعظم، فوٹو: فائل

---

وزیراعظم عمران خان نے مقبوضہ کشمیر میں بھارتی مظالم کی شدید مذمت کرتے ہوئے کہا ہے کہ تشدد اور قتل وغارت نہیں صرف مذاکرات سے ہی مسئلہ کشمیرحل ہوگا۔

وزیراعظم عمران خان نے مقبوضہ وادی میں بھارتی فوج کے حالیہ مظالم اور بربریت ٹوئٹر پر جاری بیان میں کہا کہ مقبوضہ کشمیرمیں بھارتی فوج کے ہاتھوں کشمیریوں کی شہادت پرشدیدمذمت کرتا ہوں۔

Kashmiris must be allowed to decide their future. https://t.co/Y91PUVckh8

— Imran Khan (@ImranKhanPTI) December 16, 2018

وزیراعظم نے کہا کہ نہتے کشمیریوں پر بھارت کی انسانی حقوق کی سنگین پامالیوں پر آواز اٹھائیں گے اور اقوام متحدہ کی سیکورٹی کونسل سے مطالبہ کریں گے کہ وادی میں حق خودارادیت کے وعدے کو پورا کیا جائے۔

یہ بھی پڑھیں: کشمیریوں کے قتل عام پر دنیا اتنی بے حس نہیں رہ سکتی، وزیر خارجہ

وزیراعظم کا کہنا تھا کہ مسئلہ کشمیر کا حل مذاکرات میں ہے، قتل و غارت اور تشدد میں نہیں، جب کہ کشمیریوں کو اپنے مستقبل کا فیصلہ خود کرنے کی اجازت ہونی چاہیے۔