نیٹوسامان کی واپسی جاری17ٹریلرزچمن سے کراچی روانہ

مزید ٹریلرز آئندہ چند دنوں میں افغانستان سے پاکستان میں داخل ہوجائیں گے،کسٹمز حکام. فوٹو : پی پی آئی

---

افغانستان سے نیٹوکے سامان کی واپسی جاری ہے،گزشتہ روزسامان سے بھرے 17 ٹریلرزچمن کے راستے کراچی روانہ کردیے گئے۔

نجی کمپنی کے سیکیورٹی گارڈزاور لیویز اہلکاروں نے ان ٹریلرزکوسخت سیکیورٹی میں چمن بائی پاس کے راستے کوئٹہ پہنچایا۔افغانستان سے نیٹو سامان کی واپسی مقامی کمپنیوں اورافغان حکام کے درمیان محصولات کی ادائیگی پر اختلاف کے باعث 2 ہفتوں سے رکی ہوئی تھی جو آج بحال ہوگئی۔



کسٹمزحکام کے مطابق مزیدٹریلرزآئندہ چند دنوں میں افغانستان سے پاکستان میں داخل ہوجائیں گے،آج روانہ ہونیوالے ٹریلرز پر بکتربندگاڑیاں اور بارودی سرنگیں صاف کرنے والی گاڑیاں لدی تھیں۔