مری میں خاتون سیاح پر تشدد کا واقعہ ویڈیو سوشل میڈیا پر وائرل

وزیراعلیٰ پنجاب نے مری میں خاتون سیاح پر تشدد کا نوٹس لے لیا فوٹو:فائل

---

مری کے پرفضا سیاحتی مقام میں مقامی افراد کی جانب سے سیاحوں پر تشدد کا ایک اور واقعہ پیش آیا ہے۔

مال روڈ پر ہوٹل گائیڈز نے خاتون سیاح کو فیملی سمیت جی پی او چوک میں تشدد کا نشانہ بنایا جس کی ویڈیو سوشل میڈیا پر وائرل ہوگئی ہے۔ تاہم اس واقعے کا افسوس ناک پہلو یہ رہا کہ مری پولیس نہ صرف سیاحوں کو تحفظ فراہم کرنے میں مکمل طور پر ناکام ہوگئی بلکہ واقعہ کا مقدمہ درج کرنے سے بھی انکار کردیا۔

A notorious local group in #Murree misbehaved with the woman. On resistance she was being physically tortured and Murree #Police denied to register the complain by saying that this locality doesn't come under their charge#BoycottMurree pic.twitter.com/c6RjKt6WxX

— Shaheryar Hassan (@shaheryarhassan) December 17, 2018

مری پولیس نے حدود کا بہانہ بناکر خاتون سیاح کی درخواست لینے سے انکار کردیا۔ ادھر مری ہوٹل یونین نے واقعہ کی مذمت کرتے ہوئے ملوث افراد کے خلاف سخت کارروائی کا مطالبہ کیا۔

#BoycottMurree voilance in Murree pic.twitter.com/saH5MCv9A7

— Tariq Mahmood Malik (@TM_Journalist) December 16, 2018

ویڈیو سوشل میڈیا پر وائرل ہونے پر وزیراعلی پنجاب عثمان بزدار نے نوٹس لے لیا اور ان کے حکم پر تھانہ مری میں مقدمہ درج کرلیا گیا ہے جس میں ایک شخص کو نامزد اور 10 نامعلوم ملزمان کے خلاف ایف آئی آر درج کی گئی۔ مقدمہ ٹریفک پولیس اہلکار کی مدعیت میں درج کیا گیا ہے۔