افغانستان میں قیام امن کیلئے پاکستان سے جو ہوا کریں گے وزیراعظم

دعا کریں امن لوٹ آئے اور جری افغان عوام پر 3 دہائیوں سے جاری آزمائش ختم ہو، وزیراعظم عمران خان

ویب ڈیسک December 18, 2018

دعا کریں امن لوٹ آئے اور جری افغان عوام پر 3 دہائیوں سے جاری آزمائش ختم ہو، وزیراعظم عمران خان۔ فوٹو: فائل

وزیراعظم عمران خان کا کہنا ہے کہ افغانستان میں قیام امن کیلئے پاکستان سے جو ہوا کریں گے۔

سماجی رابطے کی سائٹ ٹوئٹر پر وزیراعظم عمران خان کا کہنا تھا کہ پاکستان نے ابوظہبی میں طالبان اور امریکا کے درمیان مذاکرات میں معاونت کی، دعا کریں امن لوٹ آئے اور جری افغان عوام پر 3 دہائیوں سے جاری آزمائش ختم ہو جب کہ افغانستان میں قیام امن کے لیے پاکستان سے جو بن پڑا کریں گے۔

پاکستان نے ابوظبہی میں طالبان اور امریکہ کے مابین مذاکرات کے اہتمام میں معاونت کی۔ آئیے دستِ دعا بلند کریں کہ امن لوٹ آئے اور جری افغان عوام پر تقریباً تین دہائیوں سے پڑنے والی آزمائش تمام ہو۔ قیامِ امن کیلئے پاکستان سے جو بھی بن پڑے گا وہ کریں گے۔
— Imran Khan (@ImranKhanPTI) December 18, 2018

واضح رہے کہ گزشتہ روز متحدہ عرب امارات میں افغان طالبان اور امریکی حکام کے درمیان افغانستان میں 17 سال سے جاری افغان جنگ کے خاتمے کے لیے مذاکرات کا آغاز ہوا ہے، قبل ازیں طالبان حکام اور امریکا کے خصوصی نمائندے برائے امن زلمے خلیل زاد کے درمیان قطر میں مذاکرات کے دو ادوار بھی ہوچکے ہیں۔