کیمرہ مین پر تشدد کرنیوالے گارڈز کیخلاف کارروائی میں تعاون کریں گے نواز شریف

سابق وزیراعظم کا کیمرہ مین پر تشدد کے واقعے پر افسوس کا اظہار فوٹو:فائل

---

سابق وزیراعظم نواز شریف نے اپنے سیکیورٹی گارڈ کی جانب سے نجی ٹی وی کے کیمرہ مین پر تشدد پر صحافیوں سے افسوس کا اظہار کیا ہے۔

نواز شریف فلیگ شپ ریفرنس کی سماعت کے لیے اسلام آباد کی احتساب عدالت پہنچے تو صحافیوں نے گزشتہ روز پیش آنے والے ناخوشگوار واقعہ پر شدید احتجاج کیا۔ نواز شریف سماعت کے بعد عدالت سے باہر آئے تو صحافیوں سے گفتگو کرتے ہوئے واقعے پر افسوس کا اظہار کیا۔

شکور نےکیمرا مین کو جیسے راستے سے ہٹانے کے لئے دھکا دیا اس پہ مجھے وہیں پر اعتراض تھا لیکن میں نےخود دیکھا کہ اس کے بعد کیمرا مین نے شکور کے ماتھے پہ کیمرا دے مارا جس سے اس کا ماتھا زخمی ہوا خون بھی نکلا ۔ میں نے انہیں کہا کہ کوئی ری ایکشن نہ کرنا: نواز شریف کی صحافیوں سے گفتگو pic.twitter.com/OSfMZqnanM

— Mukhtiar Ali Bugti (@MukhtiarBugti99) December 18, 2018

نواز شریف نے کہا کہ سیکیورٹی گارڈز کے خلاف جو قانون کے مطابق کارروائی ہوئی اس میں ہر قسم کا تعاون کریں گے، مریم اورنگزیب سے بھی اس معاملے پر بات ہوئی ہے، یہ بات یقین سے کہہ رہا کہ سب کام قانون کے مطابق ہوگا۔

یہ بھی پڑھیں: نوازشریف کے سیکیورٹی گارڈ کا نجی ٹی وی کے کیمرہ مین پر بہیمانہ تشدد

نواز شریف نے کہا کہ میں کل اسمبلی سے باہر آیا تو سیکورٹی اہلکار میرے لیے راستہ بنا رہا تھا، کل جو مسئلہ ہوا وہ بہت برا ہوا، مجھے اس بات کا افسوس ہے اور یہ موقعہ نہیں آنا چاہیے تھا۔

مسلم لیگ (ن) کے قائد کا کہنا تھا کہ زیادتی کہیں سے بھی نہیں ہونی چاہیے اور ہر طرف انصاف ہونا چاہیے، شکور کے خلاف بھی ایکشن لوں گا، صحافی گاڑی کے پاس آئے تو گارڈ شکور نے کیمرہ مین کو دھکا دیا، مجھے اعتراض اس بات پر بھی ہے کہ کیمرہ مین نے بھی اپنا کیمرہ شکور کے سر پر مارا جس سے اس کا ماتھا زخمی ہوا اور خون بھی نکلا، یہ کوئی طریقہ نہیں ہے، مجھے برا لگا۔

نواز شریف نے مزید کہا کہ میرا میڈیا کے ساتھ اچھا تعلق رہا ہے، عدالتوں میں جو بھی کارروائی ہوتی رہی اس میں آپ سب ساتھ رہے، ایسے وقت میں کیسے آپ سب سے الگ ہو جاوٴں یا بگاڑلوں، آپ سب بلاخوف رپورٹنگ کرتے ہیں، ہمارے آپ کے ساتھ بڑے اچھے تعلقات ہیں۔