بنارس پل پر بس الٹ گئی 2 مسافر جاں بحق 15 زخمی
جاں بحق ہونے والوں میں سے ایک شخص کا نام امجد خان بتایا جا رہا ہے۔
بس اورنگی ٹاؤن سے عبداللہ کالج کی جانب جا رہی تھی کہ بنارس پل پر تیز رفتاری کے باعث پل کی دیوار سے ٹکرا گئی۔ فوٹو: فائل
بنارس پل پر ایک بس الٹ گئی جس کے نتیجے میں 2 مسافر جاں بحق جب کہ 15 زخمی ہو گئے۔
جاں بحق ہونے والوں میں سے ایک شخص کا نام امجد خان بتایا جا رہا ہے جب کہ دوسرے کی شناخت نہیں ہو سکی۔
ایکسپریس نیوز کے نمائندے ندیم احمد کے مطابق روٹ نمبر ڈبلیو 55 کی بس اورنگی ٹاؤن سے عبداللہ کالج کی جانب جا رہی تھی کہ بنارس پل پر تیز رفتاری کے باعث پل کی دیوار سے ٹکرا گئی جس کے نتیجے میں 2 مسافر جاں بحق جب کہ خواتین اور بچوں سمیت 15 افراد زخمی ہو گئے۔
جاں بحق ہونے والوں میں سے ایک شخص کا نام امجد خان بتایا جا رہا ہے جب کہ دوسرے کی شناخت نہیں ہو سکی۔