پاناما جعلی اکاؤنٹس کی جے آئی ٹی رپورٹس بتاتی ہیں ریاستیں کیسے ناکام ہوتی ہیںوزیراعظم

وزیراعظم عمران خان کا کہنا ہے کہ پاناما اور جعلی اکاؤنٹس کی جے آئی ٹی رپورٹس بتاتی ہیں کہ ریاستیں کیسے ناکام ہوتی ہیں۔

سماجی رابطے کی ویب سائیٹ ٹوئٹر پر وزیراعظم عمران خان کا کہنا تھا کہ پاناما اور جعلی اکاؤنٹس جے آئی ٹی رپورٹس بتاتی ہیں کہ ریاستیں کیسے ناکام ہوتی ہیں، رپورٹس سے پتہ چلتا ہے ملک کیسے غربت اور قرضے میں ڈوبا۔

وزیراعظم عمران خان نے ٹوئٹ میں کہا کہ قومی خزانے کی لوٹ مار کے طریقے حیران کن ہیں جب کہ ان رپورٹس کے باوجود بھی لٹیروں کا دفاع کرنے والوں کوسمجھنا میرے لیے مضحکہ خیز حد تک باعث تعجب ہے۔