رینٹل پاور کیس کی سماعت چیئرمین نیب کی تقرری تک ملتوی

سپریم کورٹ نے رینٹل پاور پروجیکٹ عمل درآمد کیس اور ایڈمرل ریٹائر فصیح بخاری کے خلاف توہین عدالت کے مقدمے کی سماعت غیر میعنہ مدت تک ملتوی کردی ہے اور آبزرویشن دی ہے کہ چیئر میں نیب کی تعیناتی کے بعد سماعت کی جائے گی۔


چیف جسٹس کی سربراہی مین3 رکنی بینچ نے ایل این جی درآمدی کوٹہ کیس کی سماعت وکیل کی جانب سے التواکی درخواست دیے جانے پر ملتوی کردی۔آر پی پی عمل درآمد کیس میں نیب کے لا افسران پیش ہوئے تاہم عدالت نے کہاکہ توہین عدالت کیس چیئرمین کے خلاف تھا جبکہ عمل درآمد سے متعلق معاملہ بھی چیئرمین سے ہی متعلق ہے اس لیے جب تک نئے چیئرمین کی تعیناتی نہیں ہو جاتی کیس سننے کا کوئی فائدہ نہیں ۔