شہبازشریف کے طبی معائنہ کیلئے 8 رکنی بورڈ تشکیل

شہبازشریف کے طبی معائنہ کیلئے قائم بورڈ نے میڈیکل ہسٹری مانگ لی ہے

ویب ڈیسک December 27, 2018

پمزاسپتال کے شعبہ جنرل سرجری کے سربراہ ڈاکٹرتنویرخالق کوبورڈ کا چیئرمین بنایا گیا ہے: فوٹو: فائل

پمزاسپتال کے سربراہ نے شہبازشریف کے طبی معائنہ کیلئے 8 رکنی بورڈ تشکیل دے دیا۔

ایکسپریس نیوزکے مطابق پمزاسپتال کے سربراہ ڈاکٹرامجد نے شہبازشریف کے معائنہ کیلئے 8 رکنی بورڈ تشکیل دے دیا۔ بورڈ میں جنرل میڈیسن، پیتھالوجی، ریڈیالوجی، کارڈیالوجی، آنکولوجی اورگیسٹروانٹیرولوجی کے سربراہان شامل ہیں، پمزاسپتال کے شعبہ جنرل سرجری کے سربراہ ڈاکٹرتنویرخالق کوبورڈ کا چیئرمین جب کہ اسپتال کے ڈپٹی ایکزیکٹوڈائریکٹرڈاکٹرذوالفقارغوری کوبورڈ کا سیکرٹری مقررکیا گیا۔

شہبازشریف کے طبی معائنہ کیلئے قائم بورڈ نے میڈیکل ہسٹری مانگ لی ہے، میڈیکل بورڈ شہبازشریف کا معائنہ کرنے سے قبل سابقہ ٹیسٹ رپورٹس کا جائزہ لے گا اورمعائنہ کے بعد اپنی تجاویزاورآئندہ کیلئے مینجمنٹ پلان بھی دے گا۔