وفاقی حکومت نے 3 سال کے لیے ملنے والی 4.5 ارب ڈالرکی آئل فسیلٹی سے بھرپور استفادہ حاصل کرنے کافیصلہ کیا ہے یہ فیصلہ گزشتہ روزوفاقی وزیر خزانہ اسد عمر کی زیر صدارت ہونیوالے اجلاس میں کیا گیا۔

اجلاس میں پٹرولیم ڈویژن،اقتصادی امور ڈویڑن اور خزانہ ڈویژن سمیت دیگر متعلقہ وزارتوں کے حکام شریک ہوئے جبکہ اجلاس میں ملک میں مختلف پٹرولیم مصنوعات کی موجودہ درآمدی سہولیات کا جائزہ لیاگیا علاوہ ازیں اجلاس میں بین القوامی اسلامک ٹریڈ فنانس کوآپریشن سے ملنے والی سہولیات کا بھی جائزہ لیا گیا۔