شہباز شریف کو پی اے سی کا چیئرمین بنانے کا اقدام ہائی کورٹ میں چیلنج

قومی اسمبلی میں قائد حزب اختلاف شہباز شریف کو پبلک اکاؤنٹس کمیٹی کا چیئرمین بنانے کا اقدام لاہور ہائی کورٹ میں چیلنج کردیا گیا۔

لاہور ہائی کورٹ میں قومی اسمبلی میں قائد حزب اختلاف شہباز شریف کو پبلک اکاؤنٹس کمیٹی کا چیئرمین بنانے کا اقدام چیلنج کردیا گیا، ایڈووکیٹ اظہر صدیق نے شہباز شریف کی تعیناتی کو چیلنج کیا جب کہ درخواست میں وفاقی حکومت اور اسپیکر قومی اسمبلی کو فریق بنایا گیا ہے۔

اس خبر کو بھی پڑھیں : شہبازشریف کی زیرصدارت پبلک اکاؤنٹس کمیٹی کا اجلاس


درخواست میں موقف اپنایا گیا ہے کہ شہباز شریف پر کرپشن کے الزامات ہیں لہذا انہیں چیئرمین پبلک اکاؤنٹس کمیٹی بنانے کا اقدام کالعدم قرار دیا جائے۔

اس خبر کو بھی پڑھیں : شہباز شریف چیئرمین پبلک اکاؤنٹس کمیٹی منتخب

واضح رہے کہ گزشتہ ہفتے سابق وزیراعلیٰ پنجاب اور قومی اسمبلی میں قائد حزب اختلاف شہباز شریف بلا مقابلہ چیئرمین پبلک اکاؤنٹس کمیٹی منتخب ہوئے تھے، شیخ روحیل اصغر نے شہباز شریف کا نام تجویز کیا اور کسی نے بھی شہباز شریف کے نام کی مخالفت نہیں کی۔