رنویرکی ’سمبا‘ شاہ رخ کی ’چنائی ایکسپریس ‘ کو پیچھے چھوڑدے گی فلم ڈسٹری بیوٹرز

فلم’سمبا‘3 سے 4 روز میں 100 کروڑ کلب میں شامل ہوجائے گی، اکشے راٹھی فوٹوفائل

---

بھارتی فلم ڈسٹری بیوٹرز نے رنویر سنگھ اور سارہ علی خان کی فلم 'سمبا' کے متعلق پیش گوئی کرتے ہوئے کہا ہے کہ فلم شاہ رخ خان کی 'چنائی ایکسپریس' کو پیچھے چھوڑدے گی۔

بالی ووڈ ہدایت کارروہت شیٹھی کی فلم 'سمبا' آج بھارت سمیت دنیا بھرمیں ریلیز کردی گئی، فلم میں اداکار رنویر سنگھ اور سارہ علی خان نے مرکزی کردار ادا کیا ہے۔ ریلیزسے قبل ہی فلم 'سمبا' کے چرچے جاری تھے جب کہ بھارتی تجزیہ نگارترن آدرش نے بھی فلم کو ہٹ قرار دیتے ہوئے 4 اسٹار دئیے ہیں۔

#OneWordReview…#Simmba: WINNER.
Rating: ⭐️⭐️⭐️⭐️
A solid, well-packaged entertainer with a powerful message... Rohit Shetty gets it right yet again... And so does Ranveer, who is outstanding... Whistles, claps, laughter assured... Expect a STORM at the BO... #SimmbaReview pic.twitter.com/jVCxMjjaF8

— taran adarsh (@taran_adarsh) December 27, 2018

دوسری جانب فلم ڈسٹری بیوٹراکشے راٹھی نے فلم کے پہلے دن کے بزنس سے متعلق کہا ہے کہ فلم ریلیز کے پہلے روز 25 کروڑ کا بزنس کرے گی جب کہ انہوں نے امید ظاہرکی ہے کہ فلم 3 سے 4 دنوں میں 100 کروڑ کلب میں بھی شامل ہوجائے گی۔

اکشے راٹھی سے جب پوچھا گیا کہ کیا فلم 'سمبا' روہت شیٹھی اورشاہ رخ خان کی سپرہٹ فلم 'چنائی ایکسپریس' کو پیچھے چھوڑدے گی تو انہوں نے کہا ہاں یہ ممکن ہے، مجھے یقین ہے'سمبا' بلاک بسٹر ثابت ہوگی۔

واضح رہے کہ 2013 میں ریلیز ہوئی ہدایت کارروہت شیٹھی، شاہ رخ خان اوردپیکا پڈوکون کی فلم 'چنائی ایکسپریس' بلاک بسٹر ثابت ہوئی تھی جس نے باکس آفس پر کھڑکی توڑ بزنس کیاتھالہٰذا روہت شیٹھی کو فلم'سمبا'سے بھی بہت امیدیں ہیں۔