سابق آسٹریلوی اسپنر کیری او کیف کی معافی کے باوجود بھارتیوں کا نئے اوپنر میانگ اگروال کیخلاف 'ریلوے کینٹین اسٹاف' کے مذاق پر غصہ ٹھنڈا نہیں ہوا۔

ٹیم کے کچھ ممبران اب بھی اس پر کافی برہم ہیں، میلبورن ٹیسٹ کے پہلے روز دوران کمنٹری کیری او کیف نے کہا تھا کہ میانک نے اپنی پہلی فرسٹ کلاس ٹرپل سنچری ریلوے کینٹین اسٹاف کے خلاف اسکور کی، بعد میں انھوں نے اس مذاق پر معافی بھی مانگ لی تھی۔ بھارتی بولنگ کوچ بھارت ارون نے کہاکہ ہمارے کچھ کھلاڑی بدستور اس پر کافی غصے میں ہیں مگر ہم آفیشل طور پر شکایت کا کوئی ارادہ نہیں رکھتے۔