شدید سردی اور دھند نے ہر منظر دھندلا دیا

ملک کے مختلف علاقوں میں بارش اور پہاڑوں پر برف باری کاامکان ہے فوٹوفائل

---

ملک کے بیشتر علاقے بدستور شدید سردی کی لپیٹ میں ہیں جبکہ دھند نے ہر منظر دھندلا ئے رکھا موٹر وے کے مختلف سیکشنز شدید دھند کی وجہ سے ہفتہ کی صبح ٹریفک کیلیے بند کر دیے گئے۔

علامہ اقبال انٹر نیشنل ایئرپورٹ پر پروازوں کی منسوخی اور تاخیر کے باعث مسافروں کو مشکلات کا سامناہے۔ منگل اور بدھ کو کوئٹہ، ژوب، کوہاٹ، مالاکنڈ، ہزارہ ڈویژن، گلگت بلتستان اور کشمیر میں کہیں کہیں جبکہ پشاور، مردان، بنوں، ڈی آئی خان، سرگودھا، گوجرانوالہ، لاہور، راولپنڈی ڈویژن اور اسلام آباد میں چند مقامات پر بارش اور پہاڑوں پر برف باری کا امکان ہے۔

گاؤں ایسرکے میں دھند کے باعث کار اپر گوگیرہ نہر میں گرگئی۔ جس میں سوار ایک ہی خاندان کے 6 افراد جاں بحق ہوگئے۔