میٹروبس منصوبہ 88 فیصدآڈٹ پیراز ڈراپ

12فیصدآڈٹ پیرازکااب پبلک اکاؤنٹس کمیٹی پنجاب جائزہ لے گی

جمیل مرزا December 30, 2018

12فیصدآڈٹ پیرازکااب پبلک اکاؤنٹس کمیٹی پنجاب جائزہ لے گی فوٹو: فائل

جڑواں شہروں کیلیے 14 ماہ کی مدت میں 44 ارب 56 کروڑ کی لاگت سے مکمل ہونے والے میٹرو بس منصوبے کے88 فیصد آڈٹ پیراز ڈراپ کر دیے گئے جبکہ باقی رہ جانے والے 12 فیصد آڈٹ پیراز کا اب پبلک اکاؤنٹس کمیٹی پنجاب کے فورم پر جائزہ لیا جائے گا۔

ڈائریکٹر جنرل ورکس آڈٹ پنجاب کی آڈٹ ٹیم کی جانب سے منصوبے پر مجموعی طور پر 435 آڈٹ پیراز لگائے گئے تھے ، اسکروٹنی کے بعد آڈٹ پیراز کی تعداد کم ہو کر اب صرف 53 رہ گئی ہے، 382 آڈٹ پیراز ڈراپ کرنے کی منظوری ڈپارٹمنٹل ڈیولپمنٹ سب کمیٹی ( ڈی ڈی ایس سی ) ، صوبائی ڈیولپمنٹ ورکنگ پارٹی ( پی ڈی ڈبلیو پی ) ، سینٹرل ڈیولپمنٹ ورکنگ پارٹی (سی ڈی ڈبلیو پی ) اور ایکنک کے فورم سے دی گئی ہے۔

باقی رہ جانے والے 53 آڈٹ پیراز جو زیادہ تر منصوبے کی لاگت کے حوالے سے اب پبلک اکاؤنٹس کمیٹی پنجاب (پی اے سی) کے فورم پر جائزہ لیا جائے گا، واضح رہے کہ میٹرو بس منصوبے کی پہلے لاگت 44 ارب 84 کروڑ 60 لاکھ روپے تھی تاہم نظرثانی شدہ لاگت 44 ارب 56 کروڑ کی گئی اس طرح مجموعی لاگت میں 28 کروڑ 54 لاکھ 82 ہزار کمی گئی۔