قانونی تقاضے پورے کرنے کیلیے استغاثہ کو بھرپورکیس پیش کرنے کا موقع دیا جائے، درخواست میں استدعا
ایکسپریس نیوز کے مطابق فیڈرل انویسٹی گیشن ایجنسی ڈاکٹر عمران فاروق قتل کیس کے حوالے سے انسداد دہشت گردی عدالت کا فیصلہ اسلام آباد ہائیکورٹ میں چیلنج کردیا۔
ایف آئی اے کی جانب سے دائر درخواست میں انسداد دہشتگردی کی عدالت اور ملزمان کو فریق بنایا گیا ہے جب کہ درخواست میں ہائی کورٹ سے استدعا کی گئی کہ مزید شواہد کے حصول کے لئے برطانیہ سے رابطے میں ہیں، قانونی تقاضے پورے کرنے کے لئے استغاثہ کو بھرپورکیس پیش کرنے کا موقع دیا جائے۔
واضح رہے ایف آئی اے نے برطانیہ سے مزید شواہد حاصل کرنے کے لئے 3 ماہ کا وقت مانگا تھا تاہم انسداد دہشتگردی کی عدالت نے ایف آئی اے کی درخواست مسترد کردی تھی۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔