سندھ ہائیکورٹ کا کراچی میں لاپتہ شہری کی بازیابی کا حکم

عدالت نے آئی جی سندھ، محکمہ داخلہ اور دیگر سے 16 جنوری کو جواب طلب کرلیا۔ فوٹو:فائل

---

ISLAMABAD: سندھ ہائیکورٹ نے شہر قائد سے لاپتہ شہری کو بازیاب کرانے کا حکم دیا ہے۔

سندھ ہائیکورٹ میں لاپتہ شہری طارق جمیل غوری کی بازیابی سے متعلق درخواست کی سماعت کی۔ عدالت نے شہری کو بازیاب کراکر رپورٹ پیش کرنے کا حکم دیتے ہوئے آئی جی سندھ، محکمہ داخلہ اور دیگر سے 16 جنوری کو جواب طلب کرلیا۔

درخواست گزار نے کہا کہ 11 نومبر کو محمود آباد کے علاقے سے سادہ لباس اہلکاروں نے طارق جمیل غوری کو حراست میں لیا، انہیں بھی اسی ٹیم نے حراست میں لیا جنہوں نے حال ہی میں صحافی کو حراست میں لیا تھا، عدالت سے درخواست ہے کہ طارق جمیل غوری کی جان کو خطرہ ہے فوری بازیاب کرایا جائے۔