سعودیہ تاریخ کی بڑی انویسٹمنٹ کرنے والا ہےاسد عمر

سعودیہ تاریخ کی بڑی انویسٹمنٹ کرنے والا ہے،اسد عمر فوٹو: فائل

---

وفاقی وزیر خزانہ اسد عمرنے انکشاف کیاہے کہ سعودی عرب پاکستان کی تاریخ کی سب سے بڑی انویسٹمنٹ کرنے والا ہے۔

اسد عمر نے کہا گیند ہمارے کورٹ میں ہے، صرف اگلے ہفتے کابینہ نے منظوری دینی ہے اور ہم باقاعدہ اعلان کر دیں گے۔اسد عمر کامزید کہنا تھا کہ انھیں سعودی ولی عہد کے پیغامات بھی مل رہے ہیں۔اسلام آباد میں میڈیا سے گفتگو کرتے ہوئے وزیر خزانہ کا کہناتھا کہ ولی عہد محمد بن سلمان کے معاملات میں تیزی کیلیے مسلسل پیغام وصول ہو رہے ہیں۔

وزارت خزانہ کے ذرائع کے مطابق کچھ روز قبل سعودی عرب پیکیج کے تحت ایک ارب ڈالر کی دوسری قسط موصول ہوئی، جس سے زرمبادلہ ذخائر 9 ارب 26 کروڑ ڈالر ہو گئے، ایک ارب ڈالر کی تیسری قسط جنوری کے وسط میں ملے گی۔