آئینی اور جمہوری اقدار کا قائم رکھیں گے، چوہدری سرور - فوٹو: فائل
گورنر پنجاب چوہدری محمد سرور نے کنگ ایڈورڈ کے مقبول احمد بلاک کا سنگ بنیاد رکھ دیا، اس حوالے کنگ ایڈورڈ میڈیکل یونیورسٹی میں خصوصی تقریب بھی منعقد کی گئی جس میں وائس چانسلر پروفیسر خالد مسعود گوندل،پروفیسر اسد اسلم خان،عائشہ شوکت،،پروفیسر ابرار اشرف،پروفیسر یار محمد ،پروفیسر صفدر خان سمیت تمام شعبہ کے چئیر مین سمیت دیگر نے شرکت کی۔
تقریب سے خطاب کرتے ہوئے گورنر پنجاب کا کہنا تھا کہ خالد مقبول کو ٹریبیوٹ پیش کرتا ہوں کہ انہوں نے اس یونیورسٹی کیلئے خدمات سر انجام دیں، یہ اوورسیز پاکستانی باہر جا کر بھی اپنے ملک کو نہیں بھولتے، جب کہ صاف پانی کی فراہمی کے لئے پنجاب صاف پانی اتھارٹی بن رہی ہے۔
سندھ حکومت میں گورنر راج سے متعلق ان کا کہنا تھا کہ کوئی کسی کی حکومت نہیں گرارہا، ہم آئینی اور جمہوری اقدار کا قائم رکھیں گے۔ انہوں نے کہا کہ صاف پانی کی فراہمی کےلئے پنجاب صاف پانی اتھارٹی بن رہی ہے، اگلے 5 سالوں میں پورے پنجاب کو صاف پانی ملے گا، جیل میں نوازشریف اور شہباز شریف کو بھی صاف پانی مل رہا ہے جب کہ لوڈشیڈنگ میں کمی ، کلین گرین پاکستان ہمارا خواب ہے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔