ہدایت کار روہت شیٹھی کی فلموں کا بالی ووڈ میں انوکھا اعزاز

فلم ’سمبا‘نے ریلیز کے پانچویں رو ز 100 کروڑ 24 لاکھ کا کھڑکی توڑ بزنس کیا ہے فوٹوفائل

---

ہدایت کار روہت شیٹھی کی فلم 'سمبا' بھی ان کی گزشتہ فلموں کی طرح کھڑکی توڑ بزنس کررہی ہے اور اسی کے ساتھ وہ بالی ووڈ کے 100 کروڑ کلب کے بھی بے تاج بادشاہ بن گئے ہیں۔

اداکار رنویر سنگھ اورروہت شیٹھی کی حال ہی میں ریلیز ہوئی فلم'سمبا' کی کامیابی کا سفر تیزی سے جاری ہے، فلم نا صرف ریلیز کے 5 دنوں میں 100 کروڑ کلب میں شامل ہوگئی ہے بلکہ یہ فلم روہت شیٹھی کی ہدایت کاری میں بننے والی آٹھویں فلم ہے جس نے 100 کروڑ کا ہندسہ عبور کیا ہے۔

بالی ووڈ تجزیہ نگار ترن آدرش کے مطابق فلم'سمبا'کے ساتھ ہدایت کار روہت شیٹھی نے بطور ہدایت کار بالی ووڈ میں سب سے زیادہ 100 کروڑ کی فلمیں بنانے کا ریکارڈ قائم کرلیاہے۔

Like I pointed out yesterday, #Simmba is Rohit Shetty's eighth film to cross ₹ 100 cr mark... Rohit holds the record for maximum films in ₹ 100 cr Club... Indeed, Rohit is making the audience laugh in theatres and his distributors laugh all the way to the bank! pic.twitter.com/KgP5H2Xgyj

— taran adarsh (@taran_adarsh) January 2, 2019

واضح رہے کہ فلم 'سمبا' ریلیز کے پانچویں روز 100 کروڑ 24 لاکھ کا کھڑکی توڑ بزنس کرکے سپر ہٹ قرار پائی ہے، فلم کی کامیابی کا سفر مسلسل جاری ہے۔ فلم میں اداکار رنویر سنگھ اور سارہ علی خان نے مرکزی کردار اداکیا ہے جب کہ اجے دیوگن بھی اہم کردار میں نظر آئے ہیں۔

#Simmba starts 2019 with a big bang... Runs riot at the BO on Day 5 [1 Jan 2019]... Is truly UNSTOPPABLE... Ranveer’s fourth film to cross ₹ 100 cr mark... Fri 20.72 cr, Sat 23.33 cr, Sun 31.06 cr, Mon 21.24 cr, Tue 28.19 cr. Total: ₹ 124.54 cr. India biz.

— taran adarsh (@taran_adarsh) January 2, 2019