اداکارہ عائشہ ثنا کی وائرل ویڈیو ’برائٹ کرو‘ پر ساتھی فنکاروں کا مزاحیہ انداز

اداکار احسن خان کے گھر میں قوالی کی محفل کے اختتام پر یہ ویڈیو بنائی گئی تھی ۔فوٹو: فائل

---

ماضی میں وائرل ہوتی "برائٹ کرو" نامی اداکارہ عائشہ ثنا کی ویڈیو ایک پار پھر ساتھی فنکاروں کی جانب سے مزاحیہ انداز بنانے کے بعد وائرل ہو گئی ہے۔

لاہور میں اداکار احسن خان کے گھر میں قوالی کی محفل منعقد کی گئی جس میں شوبز سے وابستہ شخصیات ریشم،طاہرہ سید،صبا قمر،عائشہ ثناء اور گلوکار شیراز اپل سمیت اداکار کے قریبی دوستوں نے شرکت کی۔

قوالی نائٹ کے اختتام پر ایک ویڈیو بنائی گئی جس میں اداکارہ عائشہ ثناء کی وائرل ویڈیو 'برائٹ کرو' پر ساتھی فنکاروں کو مزاحیہ انداز میں دیکھا جاسکتا ہے۔ ویڈیو میں اداکارہ ریشم ، احسن خان اور اداکارہ صبا قمر نے عائشہ ثناء کے ویڈیو ڈائیلاگز پر منفرد انداز دکھائے جب کہ اس موقع پر عائشہ ثناء بھی ساتھی فنکاروں کے ہمراہ لطف اندوز ہوتی دکھائی دے رہی ہیں۔

عائشہ ثناء بھی وائرل ہوتی اس ویڈیو میں یہ کہ رہی ہیں کہ 'یہ کیا ہو رہا ہے۔ لوگ 'برائٹ کرو' کی ویڈیو کو بھولتے کیوں نہیں ہیں اور لوگ اس ویڈیو کی نقل کیوں کرتے رہتے ہیں۔

واضح رہے کہ چند سال قبل عائشہ ثناء ایک شو کی ریکارڈنگ کے دوران ویڈیو وائرل ہوئی تھی جس میں وہ سخت برہمی کا اظہار کرتے ہوئے بار بار کہ رہی تھیں کہ 'برائٹ کرو 'برائٹ کرو'۔