نواز شریف کے حوصلے بلند ہیں مریم نواز

نواز شریف سے کوٹ لکھپت جیل میں والدہ شمیم اختر اور بیٹی مریم نواز نے ملاقات کی۔ فوٹو : فائل

---

سابق وزیراعظم نواز شریف کی صاحبزادی مریم نواز کا کہنا ہے کہ نواز شریف ٹھیک ہیں اور ان کے حوصلے بلند ہیں۔

سماجی رابطے کی سائٹ ٹوئٹر پر سابق وزیراعظم کی صاحبزادی مریم نواز کا کہنا تھا کہ ابھی ابھی کوٹ لکھپت جیل میں نواز شریف سے ملاقات کرکے آئی ہوں، میاں صاحب ٹھیک ہیں اور ان کے حوصلے بلند ہیں، آپ سب کی دعاؤں اور نیک تمناؤں کا بہت بہت شکریہ۔

Just came out of Kotlakhpat jail. MNS was fine and Alhamdolillah in high spirits. Thank you everyone for your prayers, unflinching support & good wishes. God bless you all.

— Maryam Nawaz Sharif (@MaryamNSharif) January 3, 2019

مریم نواز نے مزید کہا کہ میں کارکنان کی نہ صرف دعائیں اور نیک خواہشات نواز شریف تک پہنچاتی ہوں بلکہ ان کو بتاتی بھی ہوں کہ ان کے شیر کس طرح ان کے ساتھ کھڑے ہیں۔

میں نہ صرف آپ سب کی دعائیں اور نیک خواہشات ان کو پہنچاتی ہوں بلکہ ان کو بتاتی ہوں کہ ان کے شیر کس طرح ان کے ساتھ کھڑے ہیں۔ خوش رہیے۔ https://t.co/tzxcNduqdy

— Maryam Nawaz Sharif (@MaryamNSharif) January 3, 2019

سابق وزیراعظم نواز شریف سے آج کوٹ لکھپت جیل میں والدہ شمیم اختر اور بیٹی مریم نواز سمیت دیگر اہل خانہ نے ملاقات کی، ذرائع کے مطابق نواز شریف کی والدہ نے بیٹے کو گلے لگایا، ماتھا چوما اور جلد رہائی کی دعا کی جب کہ نواز شریف نے دوپہر کا کھانا بھی اہل خانہ کے ساتھ کھایا۔

اس خبر کو بھی پڑھیں : نواز شریف سے کوٹ لکھپت جیل میں مریم سمیت اہل خانہ کی ملاقات

واضح رہے کہ سابق وزیراعظم نواز شریف احتساب عدالت کی جانب سے العزیزیہ ریفرنس میں 7 سال قید کی سزا ہونے پر کوٹ لکھپت جیل میں قید ہیں۔