حکومت نے لیسکو چیف محمد سلیم کو عہدے سے ہٹا دیا

وفاقی حکومت نے لیسکو چیف محمد سلیم کو عہدے سے ہٹا کر ان کے خلاف تحقیقات کو حکم دے دیا ہے۔


ایکسپریس نیوز کے مطابق وفاقی حکومت کو لیسکو چیف محمد سلیم کے خلاف شکایات موصول ہوئی تھیں جن میں الزام عائد کیا گیا تھا کہ وہ صنعتی گرڈز کو شیڈول سے ہٹ کر بجلی فراہم کرتے ہیں۔ حکومت نے شکایات پر محمد سلیم کو عہدے سے ہٹاتے ہوئے ان کے خلاف کارروائی کا حکم دے دیا ہے، دوسری جانب جی ایم پلاننگ ارشد رفیق کو نیا لیسکو چیف مقرر کر دیا گیا ہے۔

واضح رہے کہ حکومت نے بجلی چوروں کے خلاف سخت کارروائی کا فیصلہ کرتے ہوئے ایف آئی اے میں تحقیقاتی افسر حسین اصغر کی سربراہی میں خصوصی سیل بھی قائم کیا ہے ۔