فرانس میں ٹرین کے پٹڑی سے اترنے سے 7 افراد ہلاک درجنوں زخمی

ٹرین میں 350 مسافر سوار تھے جن میں سے درجنوں حادثے کی وجہ سے زخمی بھی ہوئے۔ فوٹو: اے ایف پی

---

فرانس کے دارالحکومت پیرس کے مضافات میں ٹرین کے پٹڑی سے اترنے سے 7 افراد ہلاک اور درجنوں زخمی ہوگئے۔

غیر ملکی میڈیا کے مطابق حادثہ پیرس کے مضافات میں واقع ''بریٹگنے سر اورگے'' ریلوے اسٹیشن پر پیش آیا جس کے بعد اسٹیشن پر بھگدڑ مچ گئی، ٹرین کی تیز رفتاری کے باعث 4 بوگیاں پٹڑی سے اترنے کے بعد الٹ گئیں جس کے نتیجے میں 7 افراد ہلاک ہوگئے، ٹرین میں 350 مسافر سوار تھے جن میں سے درجنوں حادثے میں زخمی بھی ہوئے جنہیں امدادی ٹیموں نے طبی امداد کے لئے اسپتال منتقل کردیا ہے۔